Եղեգնուտ համայնքը կապահովվի գիշերային լուսավորության համակարգով. կանցկացվի 10 հազար մետր լուսավորության ընդհանուր ցանց: Այդ մասին տեղեկացնում են Արմավիրի մարզպետարանից:
2020 թվականի սուբվենցիոն ծրագրի շրջանակում սկսվել են Եղեգնուտ համայնքի փողոցների արտաքին լուսավորության ցանցի վերակառուցման և ընդլայնման աշխատանքները:
Համայնքի փողոցների և ներհամայնքային ճանապարհների ընդհանուր երկարությունը 10 կմ է, որից լուսավորված է միայն 10 %-ը: Ծրագրի ընդհանուր բյուջեն կազմում է 26 մլն 942.8 հազ. դրամ, որից ՀՀ պետական բյուջեից տրամադրվող սուբվենցիայի չափաբաժինը և համայնքի մասնակցությունը հավասարաչափ է` յուրաքանչյուրի մասով 13 մլն 471.4-հազարական դրամ:
Ծրագրի իրականացմամբ համայնքը կունենա հիմնանորոգված գիշերային լուսավորություն, երթևեկությունն ու տեղաշարժը կդառնան անվտանգ և հարմարավետ: Ծրագրի իրականացման փուլում կստեղծվի շուրջ 15 ժամանակավոր աշխատատեղ:
