ԱՄՆ-ի նախկին նախագահներ Բարաք Օբաման, Ջորջ Բուշ Կրտսերը, Բիլ Քլինթոնը, Ջիմի Քարտերը, ինչպես նաեւ նրանց տիկինները մասնակցել են նոր տիպի կորոնավիրուսի դեմ պատվաստանյութերի պաշտպանության երկու նոր գովազդային տեսահոլովակների ստեղծմանը: Ինչպես տեղեկացնում Է «Արմենպրես»-ը, մարտի 11-ին այդ մասին հայտնել Է Միացյալ Նահանգների «Գովազդի խորհուրդ» ոչ առեւտրային կազմակերպությունը: «Այս պատվաստանյութերը կպաշտպանեն ձեզ եւ նրանց, ում դուք սիրում եք, վտանգավոր եւ մահաբեր հիվանդությունից»,- մեջբերում Է Reuters գործակալությունը նախկին նախագահ Բուշի հայտարարությունը հիշյալ տեսահոլովակներից մեկում, ամերիկացիներին ուղղված այդ կոչում նրան կպաշտպանեն Քլինթոնը եւ Օբաման:
Վերջինս, ինչպես նշել Է տեսանյութին ծանոթացած գործակալությունը, կհայտարարի, որ իշխանությունների կողմից ձեռնարկվող միջոցներն «առաջին քայլն են, որպեսզի վերջ տրվի համավարակին» եւ ապահովվի երկրի հետագա հաջող զարգացումը: Այդ տեսահոլովակներում, ինչպես ուշադրություն Է հրավիրել Reuters-ը, բացահայտորեն զգացվում Է ԱՄՆ-ի 45-րդ նախագահի բացակայությունը, որի վարչակազմն ակտիվորեն օժանդակել Է կորոնավիրուսի դեմ պատվաստանյութերի ստեղծման աշխատանքների արագացմանը եւ շուկա դրանց դուրսբերմանը:
Գովազդի խորհրդում այդ «բացը» բացատրել են նրանով, որ տեսահոլովակներից մեկը նկարահանվել Է հունվարի 20-ին Ջո Բայդենի պաշտոնակալության ժամանակ, իսկ Թրամփը, որ անտեսել Էր այն, «չի հայտնվել կադրում»: Նոր սոցիալական գովազդն, ինչպես հայտարարվել Է, Գովազդի խորհրդի «Որոշիր ինքդ» համազգային կրթական արշավի մի մասն Է, որը կոչված Է համոզելու նոր կորոնավիրուսի դեմ պատվաստման անվտագությունը եւ անհրաժեշտությունը Միացյալ Նահանգների այն բնակիչներին, ովքեր տակավին թերահավատորեն են վերաբերվում այդ բուժընթացին, հաղորդել Է ՏԱՍՍ-ը:
