Առնվազն ինը մարդ զոհվել եւ եւս ավելի քան 1,8 հազարը տարբեր աստիճանի ծանրության վերքեր Է ստացել Չարշանբ ե Սուրիի՝ Իրանում կրակի ավանդական տոնի ընթացքում: Մարտի 17-ին այդ մասին հայտնել Է Իրանի Արտակարգ պատահարների կազմակերպության պաշտոնական ներկայացուցիչ Մոջթաբա Խալեդին, տեղեկացնում Է «Արմենպրես»-ը:
«Գիշերը Չարշանբ ե Սուրիի ժամանակ այս տարի ինը մարդ Է զոհվել, 1 894-ը՝ տուժել»,- մեջբերում Է նրա խոսքը IRIB հեռուստառադիոհաղորդումների կորպորացիան:
Խալեդին հավելել Է, որ անցյալ տարի զոհվածները եղել են չորս, իսկ վիրավորները՝ 1 498 հոգի:
Նրա խոսքով՝ «(այս տարի) ամենից շատ տուժածներ կան Թեհրանի, Արեւելյան Ադրբեջանի, Քերմանշահի նահանգներում»: «Վիրավորների 46 տոկոսը վեցից մինչեւ 18 տարեկան են»,- նշել Է նա:
Չերշանբ ե Սուրին ավանդական տոն Է, որը նշվում Է իրանական Ամանորից՝ Նոուրուզից առաջ, որն այս տարի համընկնում Է մարտի 20-ին, վերջին չորեքշաբթի օրվա գիշերը: Այդ օրը մարդիկ վառում են խարույկներ եւ թռչում դրանց վրայով: Վերջին տարիներին երիտասարդության շրջանում տարածում Է գտել հրատեխնիկական միջոցների օգտագործումը, ինչի պատճառով ամեն տարի հարյուրավոր մարդիկ վերքեր են ստանում, հաղորդել Է ՏԱՍՍ-ը:
