Փոխվարչապետ Մհեր Գրիգորյանի գլխավորությամբ Կառավարությունում կայացել է Արցախի հարցերով միջգերատեսչական աշխատանքային խմբի հերթական նիստը: Այդ մասին իր ֆեյսբուքյան էջում գրել է Աշխատանքի և սոցիալական հարցերի նախարար Մեսրոպ Առաքելյանը:
Նիստին հրավիրված քաշաթաղցիների և հադրութցիների ներկայացուցիչների հետ քննարկել ենք ՀՀ կառավարության կողմից հաստատված աջակցության ծրագրերի ընթացքը, դրանց իրականացման փուլում առաջացող խնդիրների շտկման տարբերակները, ծրագրերի արդյունքները:
Նիստի ընթացքում ներկայացրել եմ տեղահանված արցախցիների բնակարանային ապահովման ծրագրի վերաբերյալ մանրամասներ, քննարկել ենք նաև այդ ուղղությամբ առկա խնդիրներն ու դրանց լուծման հնարավոր տարբերակները: