Պետական եկամուտների կոմիտեի նախագահ Էդվարդ Հովհաննիսյանը Հանրային հեռուստաընկերությանը տված հարցազրույցում ասել է, որ Հայաստանում աշխատավարձերի, թոշակների վճարման խնդիր չի կարող լինել:
«Ես նման խնդիր չեմ տեսնում», -հարցազրույցում ասել է Հովհաննիսյանը:
Ավելին, նա ընդգծել է, որ այս տարվա առաջին եռամսյակի ընթացքում հարկային եկամուտները գերակատարվել են:
«Հաշվի առնելով այն հանգամանքը, որ առաջին եռամսյակում բյուջեի գերակատարման մասով արդեն իսկ պլանավորվում է ավելացնել տարեկան հարկային եկամուտների չափը, բնականաբար, այդ մասով կարող ենք ասել, որ նախատեսվածի հետ կապված չկատարելու ռիսկեր չունենք: Թե ինչքան կավելանա և ընթացքում քանի անգամ կվերանայվի, ժամանակը ցույց կտա», -նշել է ՊԵԿ նախագահը:
