Մահացել է հայտնի մանկաբարձ-գինեկոլոգ Գեորգի Կիմի Պողոսյանը։ Այս մասին ֆեյսբուքյան էջում գրել է Երևանի պետական բժշկական համալսարանի ռեկտոր Արմեն Մուրադյանը:
«Խորը ցավով տեղեկացա, ԵՊԲՀ մանկաբարձության և գինեկոլոգիայի ամբիոնի դոցենտ, իմ լավ բարեկամ Գեորգի Կիմի Պողոսյանի անժամանակ մահվան մասին։
Հմուտ մասնագետն իսկապես իր ոլորտի առաջատարներից էր։ Մարդ, որը վայելում էր կրտսեր գործընկերների հարգանքը։
Ցավակցում եմ ընտանիքի անդամներին և հարազատներին…
Հանգչեք խաղաղությամբ»։
Լրատվական տարբեր աղբյուրների հաղորդմամբ, Պողոսյանը մահացել է կորոնավիրուսից առաջացած բարդություններից։