Թուրքիայի առողջապահության նախարարությանն առընթեր կորոնավիրուսի հարցերով գիտխորհրդի անդամ Աֆշին Էմրե Ղայիփմազը ՌԻԱ Նովոստիին ճշտել Է, որ COVID-19-ի դեմ ռուսաստանյան «Սպուտնիկ V» պատվաստանյութի փորձարկումները շարունակվում են, երկրում դրա արտադրությանը հավանություն տալու մասին խոսելը դեռ վաղ Է, տեղեկացնում Է «Արմենպրես»-ը:
Ավելի վաղ Yeni Safak թերթը, վկայակոչելով Ղայիփմազին, հաղորդել Էր, որ Թուրքիայում հավանություն են տվել «Սպուտնիկ V» պատվաստանյութի արտադրությանը:
«Ես լրագրողին ասել եմ, որ Թուրքիայում անցկացվում են ռուսաստանյան պատվաստանյութի փորձարկումներ եւ միայն դրանց առանձին փուլերում են ստացվել միջանկյալ դրական արդյունքներ: Ես այլեւս ոչինչ չեմ ասել: Ըստ երեւույթին, լրագրողն այնքան Էլ ճիշտ չի հասկացել: Բայց ես շատ այլայլված զանգահարեցի թերթին, եւ այժմ նրանք այդ նորությունը հանում են կայքից»,-Ղայիփմազն ասել Է ՌԻԱ Նովոստիին:
Թուրքիայի առողջապահության նախարարության ներկայացուցիչը նաեւ գործակալությանը հաստատել Է, որ Թուրքիայում ռուսաստանյան պատվաստանյութի արտադրությանը հավանություն տալու մասին հաղորդագրությունները չեն համապատասխանում իսկությանը:«Թերիմացություն Է տեղի ունեցել լրագրողի եւ մեր գիտխորհրդի անդամի միջեւ: «Սպուտնիկ V» պատվաստանյութի փորձարկումները շարունակվում են սովորական ռեժիմով, միջանկյալ արդյունքներն առկա են, բայց դեռ վերջնակորեն հավանություն չի ստացել»,-զրուցակիցն ասել Է ՌԻԱ Նովոստիին:
Ռուսաստանի առողջապահության նախարարությունը 2020 թվականի օգոստոսին գրանցել Է կորոնավիրուսի դեմ աշխարհում առաջին պատվաստանյութը, որը մշակվել Է Գամալեյայի անվան համաճարակաբանության եւ մանրԷաբանության ազգային հետազոտական կենտրոնում (ՀՄԱՀԿ)՝ Ռուսաստանի ուղղակի ներդրումների հիմնադրամի (ՌՈւՆՀ) հետ համատեղ: Այն ստեղծվել Է մարդու ադենովիրուսային վեկտորների բազայի վրա եւ ստացել «Սպուտնիկ V» անվանումը: Դա լուծույթ Է միջմկանային ներարկման համար:
Պլանավորում են պատվաստել երկու փուլով՝ երեք շաբաթ ընդմիջումով: Այսպիսի սխեման, հայտարարել են առողջապահության նախարարությունում, թույլ Է տալիս իմունիտետ ձեւավորել մինչեւ երկու տարի ժամկետով: Ներկայում պատրաստուկը հավանության Է արժանացել շուրջ 3 միլիարդ ընդհանուր բնակչությամբ 60 երկրներում: Պատվաստանյութի՝ 91,6 տոկոս մակարդակով արդյունավետությունը հաստատվել Է The Lancet առաջատար բժշկական հանդեսում՝ տվյալների հրապարակմամբ:
