Գործազուրկ և նպաստառու անձանց աշխատանքի ընդունման դեպքում գործատուն կստանա աջակցություն. Փոփոխություն կարգում

Հեղինակ MediaLab

Աշխատանքը որպես աղքատության հաղթահարման կարևորագույն գործիք մեր կարևորագույն սկզբունքներից է: Նախարարությունը նախաձեռնել է «Գործազուրկ անձանց աշխատանքի տեղավորման դեպքում գործատուին պետական աջակցության տրամադրման» կարգում փոփոխություն, որի համաձայն գործազուրկ և նպաստառու անձանց աշխատանքի ընդունման դեպքում գործատուն կստանա աջակցություն այդ անձանց աշխատավարձից հաշվարկված և վճարված եկամտային հարկի չափով, եռամսյակային կտրվածքով՝ առավելագույնը 100,000 դրամ։ Այդ մասին տեղեկացնում են Աշխատանքի և սոցիալական հարցերի նախարարությունից:

«Սա հնարավորություն է տալու ինչպես գործող այնպես էլ սկսնակ բիզնեսներին մինչև 0 տոկոս եկամտային հարկով աշխատակիցներ ներգրավվել՝ նպաստելով գործազրկության նվազեցմանը, ինչպես նաև տնտեսության զարգացմանը», -նշվում է հաղորդագրության մեջ։