2020 թվականին Ադրբեջանը շարունակել է կտրուկ կերպով ավելացնել իր ռազմական ծախսերը, իսկ Հայաստանի պաշտպանական բյուջեն կրճատվել է, այս մասին տեղեկանում ենք ռազմական ոլորտում, նախևառաջ սպառազինության շուկայում տեղի ունեցող զարգացումները դիտարկող ու վերլուծող ամենահեղիանակավոր կառույցներից մեկի՝ Ստոկհոլմում գործող Խաղաղության խնդիրների ուսումնասիրության միջազգային ինստիտուտի (SIPRI) այսօր հրապարակած զեկույցից։
«2020-ին Ադրբեջանն իր ռազմական ծախսերն ավելացրել էր 17 տոկոսով, ինչը աճի հարաբերական ցուցանիշներով ամենամեծն էր Արևելյան Եվրոպայի ողջ տարածքում։ Նման աճի հիմնական շարժիչ ուժը Լեռնային Ղարաբաղի շուրջ Հայաստանի հետ ծավալված հակամարտությունն էր»,- արձանագրում են SIPRI-ի փորձագետները՝ նշելով, սակայն, որ այս հակամարտության մյուս կողմը՝ Հայաստանը, 2020 թվականի պաշտպանական ծախսերը ոչ միայն չի ավելացրել, այլև կրճատել է 2.6 տոկոսով։
Ավելին՝ Azatutyun.am կայքում։
