Ֆրանսիայի մայրաքաղաքում ոստիկանների բազմահազարանոց ցույց է տեղի ունեցել, որի մասնակիցները պահանջել են իշխանություններից ընդլայնել իրենց լիազորությունները: «Արմենպրես»-ի փոխանցմամբ, այս մասին հայտնում է «ՌԻԱ Նովոստի»-ն:
Փարիզում կազմակերպված ակցիայի մասնակից շուրջ 35 հազար ոստիկաններ, մասնավորապես, պահանջել են ավելի խիստ պատիժ սահմանել այն անձանց համար, ովքեր հարձակվում են իրավապահների վրա, ավելի շատ հանդերձանք տրամադրել, մի շարք շրջաններում ավելացնել ոստիկանների թիվը, տալ սեփական իրավունքների պաշտպանության ավելի մեծ երաշխիքներ:
Իրավապահ համակարգի աշխատակիցները փողոց են դուրս եկել Ավինյոնում թմրանյութերի դեմ գործողության ժամանակ ոստիկանի սպանության դեպքից հետո: Ի աջակցություն ոստիկանների՝ ակցիային մասնակցել է ներքին գործերի նախարար Ժերալդ Դարմանենը:
