ՔՈ կուսակցության ներկայացուցիչ Գարեգին Միսկարյանը ֆեյսբուքյան իր էջում գրում է․
Հնարավոր չի մեկ ուժ գա, և թեկուզ ունենա 90% լեգիտիմությունը, կարողանա Հայաստանը էս վիճակից մեկընդմիշտ դուրս հանի։
Որովհետև, որպեսզի երկիրը էս վիճակից դուրս բերվի, էդ ուժը նվազագույնը պիտի ռեֆորմներ անի, իսկ ռեֆորմները լինելու են ցավոտ, և էդ ուժը առավելագույնը կկառավարի հինգ տարի, որից հետո եկող ուժը նորից կարող է ուզուրպացնել իշխանությունը, ինչպես որ դա եղել է երեսուն տարի։
Ի՞նչ պետք է անի ընտրողը, ՀՀ քաղաքացին, որպեսզի այդպես չլինի.Պետք է ԱԺ-ում լինեն գաղափարական երկու, երեք, գուցե չորս ուժեր (կամ նույն գաղափարը կրող ուժերի դաշինքներ), որոնք հստակ գաղափարական գիծ կունենան և կպահեն այդ գիծը։
Այսինքն, որպեսզի Հայաստանը առաջ գնա, մեզ պետք է ոչ թե ընտրել մի անգաղափար ուժի, որպեսզի մյուս անգաղփար ուժը չտիրնա կառավարման լծակներին, այլ պետք է ընտրել այն ուժին , որը գաղափարապես մոտ է մեզ, որի արժեքներն ու մոտեցումները կիսում ենք։ Ու կապ չունի, թե երբ այդ ուժը կհայտնվի ԱԺ-ում, կամ կառավարություն կձևավորի։
Ըստ այդմ, կողմնորոշվելու համար դուք նախ պիտի ձեզ համար հստակեցնենք հետևյալ հարցերը և ապա հասկանաք, թե ինչքանով են այս կամ այն ուժերը կիսում ձեր տեսակետը։
1) Մարդը բարձրագույն արժե՞ք է, թե՞ ոչ։
2) Մա՞րդն է պետություն համար, թե՞ պետությունը մարդու
3) Քաղաքականությունը իշխանությանը տիրանալու միջո՞ց է, թե՞ հանրային հարաբերությունները կարգավորու արվեստ
4)Ժողովրդավարությունը ժողովրդավարական ինստիտուտների (անկախ դատարան, ազատ, արդար ընտրությունններ, անկախ ու անաչառ լրագրություն և այլն) ամբողջությու՞նն է, թե՞ գեղեցիկ խոսքերով մարդկանց խաբելը։
5)Մի անձից պիտի լինի կախված որոշումների կայացումը, թե թիմից, կամ բոլոր այն դեպքերում, երբ սա հնարավոր է, պետք է հանրաքվե անել (ենթադրվում է էլեկտրոնային)
6) Ո՞ր արժեքն է ձեզ համար ավելի կարևոր` «արդարությո՞ւնը», թե՞ «ազատությունը»։
7) Ի՞նչ դեր ունի հանրային համերաշխությունը պետության զարգացման գործում
ՀԱՅԱՍՏԱՆԸ ԿԶԱՐԳԱՆԱ ԱՅՆ ԺԱՄԱՆՔԿ, ԵՐԲ ՄԵՆՔ ԱՆՀԱՏԱՊԵՍ ՔԱՂԱՔԿԱՆԱՊԵՍ ԶԱՐԳԱՆԱՆՔ