Մոտ երկու ժամ առաջ բերման է ենթարկվել և ոստիկանության Կենտրոնականի բաժին տեղափոխվել պրոդյուսեր Արմեն Գրիգորյանը:
ՀՀ ոստիկանությունից «Հայկական ժամանակ»-ի հարցմանն ի պատասխան հայտնեցին, որ Գրիգորյանը բերման է ենթարկվել ընտրողներին ուղղորդելու կասկածանքով: Գրիգորյանն արդեն ազատ է արձակվել:
Նշենք, որ վերջինս բերման է ենթարկվել ընտրական տեղամասերից մեկից, որտեղ առավոտից աշխատում է որպես վստահված անձ:
Նույն ընտրատեղամասում ժամեր առաջ միջադեպ էր գրանցվել վստահված անձանց ու լրատվամիջոցներից մեկի ներկայացուցչի միջև, փորձել էին խոչընդոտել վերջինիս աշխատանքին՝ դուրս հրավիրելով ընտրատեղամասից ու հրաժարվելով ներկայանալ:
Արմեն Գրիգորյանն էլ միջադեպի մասին նշել էր, թե ԶԼՄ ներկայացուցիչը խանգարել է ընտրական պրոցեսը, սադրել ընտրողներին և հանձնաժողովի անդամներին։
Պրոդյուսերը «Հայաստան» դաշինքի համակիրներից է:
Այս մասին հայտնում է «Հայկական ժամանակ»-ը:
