Սույն թվականի հոկտեմբերի 5-7-ը նախատեսվում է ռուսաստանցի մեկ տասնյակից ավելի կանանց այցը Հայաստան եւ Արցախ՝ ՀՀ վարչապետի տիկին Աննա Հակոբյանի նախաձեռնած «Կանայք հանուն խաղաղության» արշավի շրջանակներում:
Խմբում ընդգրկված են Ռուսաստանի հասարակական-քաղաքական, մշակույթի, մարզական, գրական, լրատվական ոլորտների ականավոր գործիչներ: Նրանք Երեւան կժամանեն հոկտեմբերի 5-ին, իսկ հոկտեմբերի 6-ին Աննա Հակոբյանի ուղեկցությամբ կմեկնեն Արցախ, որտեղ առաջնագծից խաղաղության իրենց ուղերձը կհղեն հակամարտության բոլոր կողմերին:
Իրադարձությունը լուսաբանելու նպատակով հավատարմագրվելու համար լրատվամիջոցների ներկայացուցիչներին խնդրում ենք մինչեւ ս.թ. սեպտեմբերի 28-ը դիմել Նանա Զաքարյանին՝ +374 99 70 54 78 հեռախոսահամարով:
Աննա Հակոբյանը «Կանայք հանուն խաղաղության» արշավի մեկնարկը հայտարարել է այս տարվա հուլիսի 24-ին Մոսկվայում: Արշավի մասին ավելի մանրամասն՝ այստեղ։
Սեպտեմբերի 21-ին Աննա Հակոբյանը խաղաղության արշավին միանալու կոչ է հղել Սանկտ Պետերբուրգում՝ Կանանց եվրասիական երկրորդ համաժողովի մասնակիցներին:
