Եվրոպական խորհրդարանի` Հարավային Կովկասի հետ հարաբերությունների պատվիրակության ղեկավար Մարինա Կալյուրանդը, Եվրախորհրդարանի` Հայաստանի հարցով հիմնական զեկուցող Անդրեյ Կովաչևն ու Ադրբեջանի հարցով հիմնական զեկուցող Ժելյանա Զովկոն հանդես են եկել համատեղ հայտարարությամբ, որում, մասնավորապես, դատապարտել են Ադրբեջանի վերջին հայտարարությունները այսպես կոչված «Արևմտյան Զանգեզուրի» վերաբերյալ, ինչպես նաև Հայաստանի Հանրապետության տարածքի վկայակոչումը որպես ադրբեջանական «նախնյաց երկիր»՝ համարելով դրանք խիստ անպատասխանատու և տարածաշրջանային անվտանգությունը խաթարող։
Այդ մասին հայտնում են ՀՀ ԱԺ եվրոպական ինտեգրման հարցերի մշտական հանձնաժողովից։
