Նախկինում նման կանոններ էին մցվել նահանգի որոշ խոշոր դպրոցական շրջաններում
Կալիֆոռնիայի նահանգապետ Գևին Նյուսոմը հայտարարել է, որ նահանգի բոլոր ուսուցիչներից ու դպրոցների աշխատակիցներից կպահանջվի պատվաստվել COVID-19- ի դեմ կամ ամեն շաբաթ թեստավորվել:
Կալիֆոռնիան միակ նահանգն է, որը նման պահանջ ունի: ԿԱլիֆոռնիայի նահանգապետը վստահություն է հայտնում, որ այսպիսով հնարավոր կլինի խուսափել դպրոցների փակումից:
Կալիֆոռնիայի որոշ հիմնական դպրոցական շրջաններ նախկինում դիմել են նման քայլի՝ երկրի ամենախիտ բնակեցված նահանգում «Դելտա» տարբերակի տարածման պայմաններում:
Նահանգապետը վերջերս հայտնեց նաև բուժաշխատողների համար պարտադիր պատվաստման կարգի մասին: Վերջիններս չունեն պատվաստումները կանոնավոր թեստերով փոխարինելու հնարավորություն:
Քաղաքացիական ծառայողներից ևս պահանջվում է կամ պատվաստվել կամ հետազոտվել ամեն շաբաթ կորոնավիրուսի համար:
Այս մասին հայտնում է Ամերիկայի Ձայնը:
