43-ամյա տղամարդը ձեռքի նռնակով երեկ փորձել է մուտք գործել կառավարության շենք՝ ինքնապայթեցման նպատակով, սակայն մուտքի դիմաց վնասազերծվել է կառավարության շենքում պահպանություն իրականացնող ԱԱԾ աշխատակիցների կողմից:
Այդ մասին «Արմենպրես»-ին փոխանցել են ԱԱԾ-ից: Նշվում է, որ քաղաքացին բերման է ենթարկվել ԱԱԾ:
Դեպքի առթիվ ՀՀ ԱԱԾ քննչական դեպարտամենտում հարուցվել է քրեական գործ՝ Քրեական օրենսգրքի 235 հոդվածի առաջին մասով: Հանգամանքները պարզվում են: