«Չգիտեմ, իրենց հարցրեք»: Այսպես է ԱԺ ՀՅԴ խմբակցության ղեկավար Արմեն Ռուստամյանը պատասխանել «Առավոտ»-ի հարցին, թե այսօր ԸՕ-ի հարցով տեղի ունեցած քվեարկությանը բացակայել ՀԴՅ խմբակցության երկու պատգամավորները:
Հիշեցնենք, որ նախագծի ընդունման համար անհրաժեշտ էր առնվազն 63 կողմ ձայն: Սակայն, նախագծին կողմ է քվեարկել 62 պատգամավոր: Թեեւ ՀՅԴ-ն նախապես հայտարարել էր, որ չնայած վերապահումներին՝ կողմ է քվեարկելու նախագծին, այդ խմբակցության պատգամավորներ Ռոմիկ Մանուկյանն ու Անդրանիկ Կարապետյանն այսօր չմասնակցեցին քվեարկությանը, ինչի արդյունքում նոր ԸՕ-ի ընդունումը տապալվեց: