«ՊԵԿ-ի շրջանառության մեջ դրած գաղափարը վաղուց է պտտվում իշխանական միջավայրում». Վարդան Հարությունյան

«ՊԵԿ-ի շրջանառության մեջ դրած գաղափարը վաղուց է պտտվում իշխանական միջավայրում». Վարդան Հարությունյան
«ՊԵԿ-ի շրջանառության մեջ դրած գաղափարը վաղուց է պտտվում իշխանական միջավայրում». Վարդան Հարությունյան
Հեղինակ MediaLab

ՊԵԿ-ի շրջանառության մեջ դրած գաղափարը, ըստ որի պետք է տրանսֆերտների հարկման մեխանիզմ ներդրվի, նոր չէ։ Շատ վաղուց է այս գաղափարը պտտվում իշխանական միջավայրում։

Նման գրառում է կատարել իրավապաշտպան Վարդան Հարությունյանը՝ հավելելով, որ ցանկացած գնով պետբյուջեն լցնելու հրամայականից է սա գալիս։

«Այս տրամաբանությունից է ծնվել «օդի փողը»՝ 10. 000 դրամը, որ ինքնաթիռի տոմս գնելիս յուրաքանչյուրս վճարում ենք։ Ցնդաբանության սահմանը հատած այս հարկը 1990-ականների վերջերից է գալիս։ Բոլորը գիտեն, որ սա անթույլատրելի գռեհկություն է, բայց ոչ մի նոր եկած իշխանություն այն չի վերացնել։ Հենց «օդի փողի» ներդրման ժամանակներից էլ տրանսֆերտները հարկելու գաղափարը ծնվել է։ Ժամանակ առ ժամանակ այդ մասին խոսվել է, բայց շոշափլի քայլեր չեն արվել։ Հիմա, ինչպես տեսնում ենք, փորձում են ներդնել։ Սա ապացույցն է այն բանի, որ մեզանում կարող են փոխվել առանձին իշխանավորներ, կարող են ամբողջական իշխանություններ փոխվել, անգամ՝ հեղափոխություն լինել, բայց իշխանական տրամաբանությունը չի փոխվում։ Նույն իշխանական սենյակներն ու միջանցքներն են, նույն խնդիրները եւ, ցավոք, նույն լուծումները։ Իսկ դեռ երեկ թվում էր, որ խնդիրների ու սենյակների նույնության պարագայում լուծումներն այլեւս այլ են լինելու։ Հուսանք, որ, իրոք, այսուհետ այլ են լինելու լուծումները եւ այս գռեհիկ գաղափարը, որպես հներից մնացած ժառանգություն դեն է նետվելու»,- գրել է Հարությունյանը։