ՌԴ Պաշտպանության նախարարությունը հաստատել է հոկտեմբերի 9-ին ադրբեջանցիների կողմից Մարտակերտի խաղաղ բնակչի սպանության փաստը։
«Հոկտեմբերի 9-ին Մարտակերտի շրջանում ՝ շփման գծի մոտակայքում, գյուղատնտեսական աշխատանքներն իրականացնելու ընթացքում ադրբեջանական կողմի գնդակոծության հետևանքով մահացու վիրավորում է ստացել Մատաղիս գյուղի խաղաղ բնակիչ։
Ռուսական զորախմբի հրամանատարությամբ տեղի է ունենում միջադեպի հետաքննություն՝ երկու կողմերի ներկայացուցիչների ներգրավմամբ»,- նշվում է ՌԴ ՊՆ հաղորդագրության մեջ:
