Ապօրինի թմրաշրջանառության հերթական բացահայտումը. 52-ամյա տղամարդը ձերբակալվել է

ՔՈԳՎ  ԹԱՇԴՊ վարչության ծառայողները ծավալուն օպերատիվ-հետախուզական միջոցառումների արդյունքում տեղեկություն ձեռք բերեցին, որ Երևանի Դուրյան թաղամասի բնակիչ, 52-ամյա մի տղամարդ զբաղվում է ապօրինի թմրաշրջանառությամբ։

Այս մասին հայտնում են ՀՀ Ոստիկանությունից:

Հոկտեմբերի 28-ին, համագործակցելով Կենտրոնական բաժնի քրեական հետախույզների հետ, Թումանյան փողոցում հայտնաբերեցին կասկածվողին ու, մեքենայով հանդերձ, բերման ենթարկեցին բաժին։

Տղամարդու անձնական խուզարկությամբ հայտնաբերվեցին սուբուտեքսի հաբեր ու ամֆետամին թմրամիջոցի նմանվող տարբեր քաշերով զանգվածներ։

Դեպքի առթիվ հարուցվել է քրեական գործ։ Նշանակվել են փորձաքննություններ։ Բերման ենթարկված տղամարդը ձերբակալվել է։ Հանգամանքները նախաքննությամբ պարզվում են։