Քիչ առաջ հրաժարական տվեց Հանրային ռադիոյի գործադիր տնօրեն Մարկ Գրիգորյանը: Այս մասին «Հայկական ժամանակ»-ին հայտնել է ռադիոյի մշակութային բաժնի աշխատակիցներից մեկը: Ըստ աղբյուրի, Մարկ Գրիգորյանը ռադիոյի աշխատակիցների հետ հանդիպմանը չի գնացել, վերջինիս հրաժարականի մասին աշխատակիցներին հայտնել է Հեռուստառադիոխորհրդի նախագահ Ռուբեն Ջաղինյանը:
«Հիշեցնենեք, որ դեկտեմբերի 18-ին Հանրային ռադիոյի մի խումբ աշխատակիցներ գործադուլ սկսելու հայտարարություն էին տարածել՝ նշելով, որ ռադիոյի գործադիր տնօրենի աթոռին Մարկ Գրիգորյանի հայտնվելուց հետո չարաշահումների ցուցակում ամենաթողությունը վերջին տեղում է:
Նրանց խոսքով՝ ռադիոյում ստեղծագործական ժողովները, եթերը համակարգող խորհուրդները վաղուց արդեն հուշ են դարձել: Ամեն ինչ արվում է թաքուն, հանկարծակի եւ անքննելի: Նրանց համբերության բաժակը լցվեց վերջերս առանց պատճառների՝ ռադիոյի որոշ հմուտ հեղինակ-աշխատակիցներին աշխատանքից հեռացման ծանուցագրեր հանձնելուց հետո»,-գրում է աղբյուրը: