Ստեղծված իրավիճակի հիմքում տարածաշրջանի խնդիրներն են, ոչ միայն միջանցքը, այլև՝ 3+3 ձևաչափի ստեղծումը․ Արամ Սարգսյան

«Հանրապետություն» կուսակցության նախագահ Արամ Սարգսյանը ֆեյսբուքյան իր էջում գրում է․

«Ստեղծված իրավիճակի հիմքում տարածաշրջանի խնդիրներն են, ոչ միայն միջանցքը, այլև՝ 3+3 ձևաչափի ստեղծումը։ Ռուս-թուրքական պայմանավորվածության մեջ չի մտնում Մինսկի խմբի ակտիվացումը, իսկ Ադրբեջանը եռանախագահողների միջնորդությամբ բանակցություններ սկսելը իր համար վտանգավոր է համարում։

Իրենք փորձում են պարտադրել մեզ, Վրաստանին, նաև Իրանին՝ հաշվի նստել իրենց հետ և տարածաշրջանային խնդիրները լուծել 3+3 ռուս-թուրքական գերակայությամբ ձևաչափում։

Ապացույցը՝ այսօր Թուքիայի ՊՆ նախարարի կոչը Հայաստանին։ Հակազդեցությունը 3+3-ին պետք է լինի Արևմուտքից։ Մենք պետք է ժամ առաջ ԱՄՆ-ին, Ֆրանսիային և ՄԱԿ-ի ԱԽ-ին դիմենք։ Այլ տարբերակները ոչ արդյունավետ են»: