«Հայաստան» դաշինքն անպայման մասնակցելու է Երևանի քաղաքապետի հաջորդ ընտրություններին: «Արմենպրես»-ի հաղորդմամբ` ամփոփիչ ասուլիսի ժամանակ այս մասին հայտարարեց ՀՀ երկրորդ նախագահ Ռոբերտ Քոչարյանը.
«Եթե լինեն ընտրություններ, գտնելու ենք այն թեկնածուին, որը երևանցիների կողմից ընդունելի և ընկալելի կլինի»,-ասաց Քոչարյանը:
ՀՀ երկրորդ նախագահի կարծիքով` Երևանում պետք է քաղաքապետի ընտրություններ անցկացվեն.
«Կարծում եմ՝ իշխանությունները կգնային ընտրությունների, եթե մի քիչ վստահություն ունենային, որ կհաղթեն Երևանում։ Չեն գնացել ընտրությունների, որովհետև գիտակցում են, որ Երևանում կունենան լրջագույն խնդիր և մայրաքաղաքում չեն կարող նույն մոդելը կիրառել, ինչն արեցին Վանաձորում, Գորիսում կամ մեկ այլ տեղ. միշտ մայրաքաղաքն ավելի ըմբոստ է եղել», ասաց երկրորդ նախագահը:
