Գերմանիայում Ուկրաինայի դեսպանը հայտնել է, որ Զելենսկին պատրաստ է Պուտինի հետ երկխոսության

Ուկրաինայի նախագահ Վլադիմիր Զելենսկին պատրաստ է Ռուսաստանի Դաշնության նախագահ Վլադիմիր Պուտինի հետ ուղիղ երկխոսության: 

«Արմենպրես»ի հաղորդմամբ՝ ինչպես հայտնում է «ՌԻԱ Նովոստի»-ն, այս մասին հայտարարել է Գերմանիայում Ուկրաինայի դեսպան Անդրեյ Մելնիկը:

Դիվանագետի խոսքով՝ Զելենսկին «նաև պատրաստ է ուղիղ բանակցություններ վարել նախագահ Պուտինի հետ ցանկացած պահի», սակայն Մոսկվան «մերժում է» Կիևի մեկնած ձեռքը։

Ավելի վաղ ՌԴ նախագահի մամուլի քարտուղար Դմիտրի Պեսկովը «ՌԻԱ Նովոստի»-ին ասել էր, որ Ռուսաստանի Դաշնության և Ուկրաինայի նախագահների հանդիպման համար նախապատրաստություն չի արվում, կա միայն Ուկրաինային սպառազինություն մղելը և Կիևի կողմից մինսկյան համաձայնությունները չկատարելը: