Վերաքննիչ քրեական դատարանը մերժեց ՀՀ երկրորդ նախագահ Ռոբերտ Քոչարյանի փաստաբանների բողոքը` ՀՀ ազգային անվտանգության ծառայության տնօրենի և ՀՀ հատուկ քննչական ծառայության պետի միջև հեռախոսազրույցի գաղտնալսման գործով Քոչարյանին տուժող ճանաչելը մերժելու որոշման դեմ:
Ինչպես տեղեկացնում է «Արմենպրես»-ը, դատական նիստը նախագահում էր դատավոր Մհեր Արղամանյանը: Ըստ աղբյուրի, Ռոբերտ Քոչարյանի շահերի պաշտպան Հովհաննես Խուդոյանը նշել է, որ Վերաքննիչ դատարանի որոշումը բողոքարկվելու է:
