Ֆրանսիայի նախագահ Էմանուել Մակրոնը ՌԴ նախագահ Վլադիմիր Պուտինի հետ հեռախոսազրույցից մանրամասներ է հայտնել:
Մասնավորապես, նա ասել է, որ ՌԴ նախագահ Վլադիմիր Պուտինի հետ հեռախոսազրույցն ունեցե; է Ուկրաինայի նախագահի խնդրանքով:
«Զելենսկիի խնդրանքով, ինչպես նաև հաշվի առնելով հումանիտար բնույթի խնդիրները ես զանգահարել եմ Վլադիմիր Պուտինին:
ՌԴ նախագահին փոխանցել եմ միջազգային հանրության հորդորը պատերազմը դադարեցնելու մասին և ընդգծել կրակը դադարեցնելու անհրաժեշտությունը: Քանի որ Ուկրաինայի և Ռուսաստանի միջև բանակցությունները մեկնարկել են, ես պահանջեցի դադարեցնել կրակը և զինված հարձակումները քաղաքացիների ու բնակավայրերի նկատմամբ:
Նաև պահանջել եմ հարգել միջազգային մարդասիրական իրավունքները և քաղաքացիական անձանց պաշտպանություն: Այս կապակցությամբ Ֆրանսիան պատրաստվում է բանաձև ներկայացնել ՄԱԿ-ի Անվտանգության խորհուրդ:
Հետագա հնարավոր խնդիրներից ու բարդություններից խուսափելու համար, ես առաջարկեցի Վլադիմիր Պուտինին մնալ կապի մեջ», -իր ֆեյսբուքյան էջում ներկայացրել է Մակրոնը:
