Նախարար Վահան Քերոբյանը Դոհայում հանդիպել է Կատարի առևտրի և արդյունաբերության նախարարի տեղակալ, նախարարի պարտականությունները կատարող Սուլթան բին Ռաշեդ ալ-Խաթրի հետ։
Այդ մասին հայտնում են Էկոնոմիկայի նախարարությունից։
Հանդիպման ընթացքում զրուցակիցներն անդրադարձել են ստարտափերի զարգացման հարցում համագործակցության հնարավորություններին և բարձր տեխնոլոգիաների ոլորտում ներդրումների իրականացմանը։
«Տնտեսական կապերի ամրապնդման համար պայմանավորվել ենք կազմակերպել համատեղ ցուցահանդեսներ, տոնավաճառներ և գործարար համաժողովներ։ Առաջարկել եմ գործնական քայլերի պլանավորման համար հաջորդ հանդիպումն անցկացնել Հայաստանում». նշել է Վահան Քերոբյանը։