Գործարկվել է ազգային տարածական տվյալների ենթակառուցվածքի Ազգային գեոպորտալի քարտեզագրական բաղադրիչը, որը հասանելի է https://maparmenia.am/arpis/ հղումով, հայտնում է Կադաստրի կոմիտեն։
Քարտեզագրական բաղադրիչը հնարավորություն է ընձեռնում համացանցի օգտատերերին առցանց միջավայրում դիտելու կադաստրային քարտեզը՝ օդալուսանկարների (օրթոֆոտոհատակագծերի) հետ համադրված:
Քարտեզագրական բաղադրիչում հասանելի են հետևյալ շերտերը՝
վարչատարածքային սահմաններ (համայնք, մարզկենտրոն),
կադաստրային քարտեզ (հողամաս, շենք),
տեղագրական քարտեզ (ճանապարհներ, գետեր)
օդալուսանկարներ (օրթոֆոտոհատակագծեր)։
Առցանց միջավայրում համապատասխան գործիքի միջոցով հնարավոր է քարտեզի վրա չափել երկարություն և մակերես:
Կադաստրի կոմիտեն բաց է համագործակցության համար և իր պատրաստակամությունն է հայտնում լսելու մասնագիտական հանրույթի ներկայացուցիչների և շահագրգիռ կազմակերպությունների կարծիքները, Ազգային գեոպորտալի զարգացման իրենց մոտեցումները, որոնք անպայման կքննարկվեն՝ համակարգի արդիականացման գործընթացում ներառելու նպատակով:
