ՍԴ-ն հայտարարությունը` Ռոբերտ Քոչարյանի և մյուսների գործի մասին

Հեղինակ MediaLab

ՍԴ-ն հայտարարություն է տարածել, որն առնչվում է Ռոբերտ Քոչարյանի և մյուսների գործին։ Հայտարարությունը ներկայացնում ենք ստորեւ։

«Ի պատասխան մի շարք հարցումների ՀՀ Սահմանադրական դատարանը հայտնում է, որ Երևան քաղաքի ընդհանուր իրավասության դատարանի դիմումը՝ «Սահմանադրական դատարան դիմելու և գործի վարույթը կասեցնելու մասին» 2019 թվականի մայիսի 20-ի որոշումը (ԵԴ/0253/01/19 քրեական գործով), ՀՀ սահմանադրական դատարան է մուտքագրվել 2019 թվականի մայիսի 20-ին, օրվա երկրորդ կեսին։

Դիմումը գտնվում է նախնական ուսումնասիրության փուլում։ Դիմումի նախնական ուսումնասիրությունն իրականացվում է Սահմանադրական դատարանի աշխատակարգով սահմանված կարգով և ժամկետներում»: