Գյումրեցի Ալեքսանդրա Գրիգորյանը՝ ծանրամարտի Եվրոպայի պատանեկան առաջնության չեմպիոն

Լեհաստանում ընթացող ծանրամարտի Եվրոպայի պատանեկան առաջնությունում Հայաստանի հավաքականի հաշվին երկրորդ ոսկե մեդալը գրանցվեց: Մ17 տարեկան աղջիկների մրցապայքարում փայլուն հանդես եկավ գյումրեցի ծանրորդուհի, 49 կգ քաշային Ալեքսանդրա Գրիգորյանը: Նա երկամարտի 167կգ (73+94) արդյունքով հռչակվեց Եվրոպայի չեմպիոն: Գյումրեցի մարզուհին արդյունավետ իրացրեց իր բոլոր մոտեցումները և նվաճեց նաև երկու փոքր ոսկե մեդալ:
Հիշեցնենք, որ երեկ ԵԱ պատանեկան առաջնության չեմպիոն էր դարձել գյումրեցի Միքայել Չոլակյանը: