ԱԺ «Իմ քայլը» խմբակցության պատգամավոր Գայանե Աբարհամյանը Ֆեյսբուք սոցիալական ցանցում գրել է․
«Արդեն հայտարարվել է, որ Ազատության հրապարակում տեղի ունեցած հանրահավաքը որևէ առնչություն չունի «Իմ քայլը» դաշինքի կամ «Քաղաքացիական պայմանագիր» կուսակցության հետ: Այս հավաքը ես սկզբում պարզապես դիտարկեցի հավաքների ազատության տիրույթում, ինքնաբուխ ակցիա, որն իրավունքի և սովորության ուժով հաճախ է իրականացվում, սակայն եթե մի տեղ հնչում են բռնության կոչեր ու դա արվում է «ի աջակցություն» վարչապետի, ապա ակնհայտ է, որ սա հերթական սադրանքն է, անգամ եթե այնտեղ կային անկեղծ և ազնիվ սատարողներ:
Ակնհայտ էր նաև ուղղորդման օրակարգը. հերթական սեպը խրել Արցախի ու Հայաստանի միջև: Բռնության կոչ հնչեցնել Արցախի նախագահ Բակո Սահակյանի նկատմամբ ոչ այլ ինչ է, քան ադրբեջանական կամ որոշ խմբավորումների ջրաղացին ջուր լցնել»։
