Հայաստանը երկրորդ եզրափակչի ուղեգիրն է նվաճում Թուրքիայում ընթացող պատանիների Եվրոպայի առաջնությունում,հայտնում են բռնցքամարտի ֆեդերացիայից:
Իր փայլուն մենամարտերի շարքը շարունակում է 42 կգ քաշային Համեստ Աֆրիկյանը։ Կիսաեզրափակչում նա մրցել է Իռլանդիայի ներկայացուցիչ Ավեյ Մոլոյի հետ։
Իռլանդացիները մինչ այս կիսաեզրափակչում պարտություն չէին կրել, բայց Համեստը ցույց տվեց, թե ինչպես պետք է հաղթել իռլանդացիներին։ Մեր մարզուհին տեխնիկատակտիկապես շատ գրագետ մենամարտ է անցկացրել։
Եզրափակչում Համեստ Աֆրիկյանը կմրցի անգլուհի Սերենա Մալիի հետ։
