Ազգային ժողովի շենքի մոտ այսօր բողոքի ակցիա իրականացնող բուքմեյքերական գրասենյակների աշխատակիցները քիչ առաջ բացել են Բաղրամյան պողոտան։
Նրանք այսօր առավոտյան ակցիայի ժամանակ փակել էին պողոտան։ Ակցիայի մասնակիցներից կազմել է աշխատանքային խումբ, որին ընդունել է ԱԺ տնտեսական հարցերի մշտական հանձնաժողովի նախագահ Բաբկեն Թունյանը։
Նշենք, որ բուքմեյքերական գրասենյակների աշխատակիցները բողոքում են «Վիճակախաղերի մասին» ՀՀ օրենքում լրացումներ կատարելու մասին նախագծի դեմ, որով առաջարկվում է կրճատել բուքմեյքերական գրասենյակների թիվը: Աշխատկիցները նշում են, որ բուքմեյքերական գրասենյակների փակման միջոցով խաղամոլության խնդիրը չի լուծվում, այլ լուծումներ պետք է տրվեն։
