Թուրքիայի նախագահ Ռեջեփ Էրդողանը հայտարարել է հոկտեմբերին ՀՀ վարչապետ Նիկոլ Փաշինյանի հետ հնարավոր հանդիպման մասին:
Այս մասին Էրդողանը հայտարարել է Նյու Յորքում՝ ՄԱԿ-ի Գլխավոր ասամբելայի 77-րդ նստաշրջանի ավարտին:
«ՊրաՀայում հոկտեմբերի 6-ին կկայանա քաղաքական հանրության գագաթնաժողովը, որին հնարավոր է Փաշինյանի մասնակցությունը: Գուցե հնարավորություն ունենանք այնտեղ նրա հետ քննարկում ունենալ:
Սակայն, Կովկասում էլ որոշ նախաձեռնություններ կունենանք։ Այս պահին դեռ ծրագրման փուլում ենք։
Ես այդ հարցերը կքննարկեմ իմ եղբոր՝ Իլհամ Ալիևի հետ, և ըստ այդմ քայլեր կձեռնարկենք»,- լրագրողներին ասել է Էրդողանը:
