Արցախի ապագայի բանալու մի մասն Արցախի, մյուսը՝ Հայաստանի ժողովրդի ձեռքում է: Ինչպես տեղեկացնում է «Արմենպրես»-ը, սեպտեմբերի 28-ին մամուլի ասուլիսի ժամանակ այս մասին ասաց ՀՀ երկրորդ նախագահ Ռոբերտ Քոչարյանը:
«Արցախի ապագայի բանալին Արցախի ժողովրդի ձեռքերում է: Դա այդպես է հիմա, դա այդպես է եղել 1992 թվականին, երբ մեր վիճակը ավելի լավ չէր: Ուղղակի հիշեք, թե ինչպիսի վիճակ էր: Այո, Արցախի ժողովրդի ձեռքում է այդ բանալին: Արցախի էլիտան գնալո՞ւ է Ադրբեջանի հետ համագործակցելու, թե՞ պատրաստ է պայքարելու: Այդ բանալու մի մասն էլ Հայաստանի ժողովրդի ձեռքում է: Հայաստանի ժողովուրդը կպարտադրի՞ իշխանություններին որոշակիություն մտցնել Արցախի վերաբերյալ իրենց մոտեցումներում, թե՞ ոչ»,- ասաց Քոչարյանը:
Քոչարյանի խոսքով՝ եթե ժողովուրդը պատրաստ է պայքարել, ուրեմն դեռ հավանականություն կա ստեղծված իրավիճակը գոնե կանգնեցնելու:
