Ուկրաինայի անվտանգության խորհուրդը հետախուզում է հայտարարել Ռուսաստանի նախկին նախագահ և նախկին վարչապետ, ներկայում Անվտանգության խորհրդի փոխնախագահ Դմիտրի Մեդվեդևի նկատմամբ:Այս մասին տեղեկացնում է «Ազատություն»-ը:
Նա մեղադրվում է Ուկրաինայի Քրեական օրենսգրքի 110 հոդվածի երկրորդ մասով (Ուկրաինայի սահմանադրական կարգի բռնի ուժով փոփոխությանը, պետական իշանության զավթմանը, տարածքների սահմանների և պետական սահմանի փոփոխությանն ուղղված գործողությունների ֆինանսավորում):
Հոկտեմբերի 10-ին առավոտյան Ուկրաինայի մի շարք քաղաքներ ռուսների կողմից ենթարկվել են հրթիռային հարվածների, կա առնավազն 10 զոհ և մոտ 60 վիրավոր:
«Ուկրաինական ներկայիս պետությունն իր նացիստական քաղաքական ռեժիմով մշտապես ուղիղ սպառնալիք է լինելու Ռուսաստանի համար: Ուստի, Ռուսաստանի նպատակը պետք է լինի Ուկրաինայի քաղաքական ռեժիմի լիակատար ապամոնտաժումը»,- Տելեգրամ-ալիքում գրել է Դմիտրի Մեդվեդևը:
Նախկին նախագահ ու նախկին վարչապետ Մեդվեդևից բացի Ուկրաինան հետախուզում է հայտարարել ևս մոտ 700 բարձրաստիճան պաշտոնյաների՝ Պետական դումայի պատգամավորների, խորհրդարանի երկու պալատների խոսնակների, Ռուսաստանի անվտանգության խորհրդի և կառավարության անդամների, ինչպես նաև ՌԴ ԱԳՆ մամլո խոսնակի նկատմամբ:
