ՀԱՊԿ-ը հայտարարել է, թե Հայաստանում նախատեսված զորավարժությունները կարող են անցկացվել այլ երկրի տարածքում։Այս մասին հայտնում է «Ազատություն»-ը:
«Այժմ Միացյալ շտաբում մշակվում են այդ վարժանքները կազմակերպության անդամ այլ երկրների տարածքում անցկացնելու առաջարկներ և 2023-ին Հավաքական անվտանգության ուժերի և միջոցների ձևավորման և դրանց կառավարման օրգանների պատրաստման համատեղ պլանի հստակեցումներ», – հայտարարել է ռազմական դաշինքը։
Այսօր ավելի վաղ Հայաստանի վարչապետը հայտարարել է, որ հայկական կողմը ՀՀ-ում նման զորավարժություններ անցկացնելն այս իրավիճակում նպատակահարմար չի համարում: