Իրավապաշտպան, հրապարակախոս Զառա Հովհաննիսյանը ֆեյսբուքյան իր էջում գրել է.
«Գրեթե մեկ տարի առաջ ցուցարարների ուղղությամբ թքում էր Ալեն Սիմոնյանի մայրը, հիմա էլ որդին է թքում ուղիղ երեսին, հետո էլ այդ վարքը փոխանցելու է իր զավակներին․․․
Ցավոք սրտի, ԹՔԵԼԸ մեր կյանքում մշակութային պատկերացում է։ Մենք ամեն օր խոսքի մեջ օգտագործում ենք «թքած ունեցիր» արտահայտությունը, երբ որևէ մեկի դիտողությունը կամ դիտարկումը մեզ խոցում է և հակված ենք ոչ թե վերանայել մեր միջև կոմունիկացիան, այլ անտեսել ու մոռացության տալ՝ էքած ունենալով։
Կամ գործածում ենք «թքել եմ ես քո երեսին» արտահայտությունը, երբ ուզում ենք վիրավորել մեկին․․․
Թքում ենք միմյանց վրա, փողոցում, նույնիսկ տանը՝ չհարգելով դիմացինին, այն միջավայրը, որտեղ ապրում ենք, բայց չենք հասկանում, որ ինքներս մեր կյանքի մեջ ենք թքում։
Էս ի՞նչ մշակույթ է թքելը, անվերջ անարգելն ու արհամարհելը մեկմեկու․․․»:
