Վրաստանի իրավապահները ձերբակալել են երկրի պաշտպանության նախկին նախարար Իրակլի Օքրուաշվիլիին՝ անցած ամիս տեղի ունեցած բողոքի ցույցերի գործով:
Ըստ պաշտոնական աղբյուրների՝ նախկին բարձրաստիճան պաշտոնյան մեղադրվում է զանգվածային բռնություններ կազմակերպելու, առաջնորդելու կամ դրանց մասնակցելու մեջ, տեղեկացնում է Ազատություն ռադիոկայանը:
Խոսքը մասնավորապես հունիսի 20-21-ը Թբիլիսիի կենտրոնում՝ Ռուսթավելի փողոցում տեղի ունեցած բազմահազարանոց բողոքի ակցիայի մասին է, որի մասնակիցները, ըստ պաշտոնական Թբիլիսիի, փորձել են գրավել խորհրդարանի շենքը:
Օքրուաշվիլիի մեղքը ապացուցվելու դեպքում նրան սպառնում է մինչև վեց տարվա ազատազրկում:
Տվյալ գործով ընդհանուր առմամբ 17 մարդ է ձերբակալվել:
Մանրամասները՝ այստեղ: