Օդի ջերմաստիճանը հուլիսի 30-31-ին կբարձրանա 3-4 աստիճանով

Հեղինակ MediaLab

Հայաստանի հովտային և նախալեռնային շրջաններում առաջիկա հինգ օրերի ընթացքում սպասվում է բարձր կարգի հրդեհավտանգ իրավիճակ:

Հուլիսի 27-ի ցերեկը, 28-29-ին, օգոստոսի 1-ին՝ հյուսիսային առանձին շրջաններում կեսօրից հետո սպասվում է կարճատև անձրև և ամպրոպ։

Քամին հարավ-արևմտյան 3-8 մ/վրկ, ամպրոպների ժամանակ հնարավոր է քամու ուժգնացում 15-20մ/վրկ: Հուլիսի 30-31-ին սպասվում է առանց տեղումների եղանակ։ Օդի ջերմաստիճանը հուլիսի 30-31-ին կբարձրանա 3-4 աստիճանով։

Երևանում հուլիսի 27-ի ցերեկը, 28-31-ին, օգոստոսի 1-ին սպասվում է առանց տեղումների եղանակ: Երեկոյան ժամերին սպասվում է քամու ուժգնացում 18-20մ/վրկ, տեղեկացնում է ԱԻՆ-ը: