Հայաստանի էկոնոմիկայի նախկին նախարար Վահան Քերոբյանը իրավապահ մարմինների կողմից իրեն քրեական հետապնդման ենթարկելու մեջ քաղաքական ենթատեքստ չի տեսնում:
«Արմենպրես»-ի փոխանցմամբ՝ Քերոբյանը նման դիրքորոշում հայտնեց Հակակոռուպցիոն դատարանում լրագրողների հետ զրույցում՝ նախքան իր նկատմամբ խափանման միջոցի վերաբերյալ դատարանի որոշման հրապարակումը:
Պատասխանելով հարցին, թե արդյոք քաղաքական ենթատեքստ չի տեսնում՝ նախկին նախարարը կարճ պատասխանեց՝ «ոչ»:
Դատարանը փետրվարի 16-ին Քերոբյանի նկատմամբ տնային կալանք կիրառելու որոշում է ընդունել:
