Լոս Անջելեսում հրավիրած մամուլի ասուլիսի ժամանակ վարչապետ Նիկոլ Փաշինյանը անդրադարձել է Ռոբերտ Քոչարյանին և Սերժ Սարգսյանին:
«Հայ ժողովուրդը մեկնաբանել է իրենց գործունեությունը 2018 թվականին և այսօր էլ է մեկնաբանում: Այդ մարդիկ չեն հասկանում, որ Հայաստանում քաղաքական գործունեություն ծավալելու շանս չունեն, որովհետև հայ ժողովուրդը թույլ չի տա: Իրենց միլիոնները քրտինքով են կառուցե՞լ: Այո, շատ մեծ վտանգ կա, որ իրենց կառուցած դղյակները ու հավաքած միլիոնները շատ արագ կկորսվեն: Կոմպրոմիս չի լինելու, մինչև վերջին կոպեկը վերադարձվելու է»,- ասել է նա:
Փաշինյանն ասել է, որ Սերժ Սարգսյանի ընտանիքը պրոֆեսիոնալ կոռումպացված ընտանիք է եղել, նրանք թալանած գումարների մի մասը վերադարձրել են, մյուս մասն էլ պիտի վերադարձնեն:
«Ռոբերտ Քոչարյանն էտ ի՞նչ տաղանդների շնորհիվ է միլիոններ կուտակել: Թող 98 թվից առաջ կուտակեին, գնային միլիոններ անեին, առյուծ քշեին, բան անեին: Կամ հիմա ինչու՞ չեն աշխատում էդ միլիոնները, մե՞նք ենք խանգարում: Մենք խանգարում ենք, թող գնան արտերկրում աշխատեն: Ստատուս քվոն պետք է վերադառնա 98 թվից առաջ ինչ ունեցել են, հիմա էլ պետք է ունենան նույնը: Հայտարարություն անեն-չանեն, ակտիվ քաղաքականություն են վերադառնում: Ուր ուզում եք վերադարձեք, պետք է մինչև վերջին կոպեկը վճարեք»,- նշել է Փաշինյանը: