ԱԻ նախարար Ֆելիքս Ցոլակյանն այսօր իր պաշտոնավարման մեկ տարվա ամփոփիչ ասուլիսի ժամանակ պատասխանելով լրագրողների հարցերին ասաց, որ ինքն էր երաշխավորել ԱԱԾ նախկին տնօրեն Արթուր Վանեցյանի համար։
Լրագրողների հարցին, թե զղջացել է արդյոք իր քայլի համար, ասաց, որ ոչ։ Ցոլակյանը չցանկացավ մեկնաբանել Արթուր Վանեցյանի հայտարարությունները, փոխարենը բոլորին խորհուրդ տվեց․ «ԱԱԾ-ն ու ՊՆ-ն այն տեղեր են, որոնց մասին դուք էլ աշխատեք քիչ խոսել։ Ինչ վերաբերում է իմ հրաժարականին, ես հրաժարական չեմ տալիս, ես աշխատել եմ և շարունակելու եմ աշխատել»։ Ցոլակյանը նաև ասաց, որ այլ քաղաքական հարցերի պատասխանել չի պատրաստվում։
Աղբյուրը՝ Factor.am
