Արման Բաբաջանյանը հանցագործության մասին հաղորդում ներկայացրեց դատախազություն. Տեսանյութ

Արման Բաբաջանյանը հանցագործության մասին հաղորդում ներկայացրեց դատախազություն. Տեսանյութ
Արման Բաբաջանյանը հանցագործության մասին հաղորդում ներկայացրեց դատախազություն. Տեսանյութ
Հեղինակ MediaLab

ԱԺ պատգամավոր Արման Բաբաջանյանը դատախազությանը հանցագործության մասին հաղորդում ներկայացրեց՝ պահանջելով քրեաիրավական գնահատական տալ Սահմանադրական դատարանի նախագահ Հրայր Թովմասյանի գործողություններին:

Նա հայտարարեց, որ պահանջում է քրեաիրավական գնահատական տալ Սահմանադրական դատարանի գործող նախագահ Հրայր Թովմասյանի կողմից 2018 թվականին այդ պաշտոնին հասնելու ճանապարհին թույլ տրված կոպտագույն օրինախախտումներին, որոնց արդյունքում տեղի է ունեցել իշխանության փաստացի բռնազավթում, ուզուրպացիա:

Ըստ պատգամավորի՝ ՀՀ Սահմանադրությունը հռչակում է, որ իշխանությունը պատկանում է ժողովրդին, իսկ մի խումբ անձինք ուղղակի դիտավորությամբ յուրացրել են բարձր դատարանի լիազորությունները: Խորհրդարանը պետք է Սահմանադրության ու օրենքների շրջանում որոնի ու գտնի այնպիսի լուծումներ, ոչ ստանդարտ լուծումներ, որոնք վերջ կդնեն ՍԴ-ում ստեղծված ճգնաժամին ու օրինականություն կհաստատեն երկրի բարձրագույն դատական ատյանում:

«Հրայր Թովմասյանի հանցավոր արարքներին քրեաիրավական գնահատական տալու այս քայլը պետք է դառնա այս համակարգային գործընթացը մեկնարկը, բայց ամենևին ոչ միակ գործողությունը: Սահմանադրական ճգնաժամի պատճառը Հրայր Թովմասյանը չէ, բայց  դրա հաղթահարումը սկսելու է Հրայր Թովմասյանի ապօրինի պաշտոնավարման դադարցմամբ, որի հիմքը, հուսամ, կդրվի այս դիմումով»,- հայտարարեց նա:

Մանրամասները՝ Factor.am-ի տեսանյութում.