Գերմանիայի կանցլեր Անգելա Մերկելը օգոստոսի 24-ին ժամանել է Հայաստան:
«Զվարթնոց» օդանավակայանում Մերկելին դիմավորել է Հայաստանի վարչապետ Նիկոլ Փաշինյանը:
Այսօր նախատեսված են երկու կառավարությունների ղեկավարների բանակցությունները:
Մերկելի այցը տարածաշրջանային է։ Նա Երևան է ժամանել Թբիլիսիից, իսկ կիրակի կմեկնի Բաքու:
Մերկելը «Զվարթնոց» օդանավակայանից անմիջապես ուղեւորվել է Ծիծեռնակաբերդի հուշահամալիր: Նրան ուղեկցում էին ՀՀ արտաքին գործերի նախարար Զոհրաբ Մնացականյանը և Երեւանի քաղաքապետի պաշտոնակատար Կամո Արեյանը:
Նա Ծիծեռնակաբերդի հուշահամալիրում ծաղիկներ է խոնարհել և հարգանքի տուրք մատուցել Ցեղասպանության զոհերի հիշատակին:
