Հրապարակախոս Կարպիս Փաշոյանը Ֆեյսբուքի իր էջում գրել է.
«Պետք է չափազանց զգույշ լինել և սեփական վարքագիծը որևէ կերպ չարդարացնել նախկինների որակական հատկանիշներով։ Խնդիրը մեկն է՝ արդարության վերաբերյալ ժողովրդի պատկերացումները չափազանց պարզունակ են։ Մարդկանց համար արդարությունը պետք է անպայման մարմնացյալ կարգավիճակ ունենա, այսինքն՝ մարմնավորվի ինչ-որ անհատի կերպարում։ Այս պահի դրությամբ ժողովրդական ընկալումների համաձայն արդարության մարմնավորումը վարչապետ Փաշինյանն է։
Զգուշավորությունը պետք է պայմանավորվի հենց այս հանգամանքով, քանի որ արդարության մարմնավորված գաղափարի խաթարումը մարդկանց կարող է վերադարձնել նիհիլիզմի և ցինիզմի այն տարածությունը, որի մեջ էին նախկինում։ Նույնիսկ մեկ դրամը կարող է ճակատագրական լինել։
Զգույշ եղե՛ք, իրականության զգացողությունը մի՛ կորցրեք»:
