«Մեր մասին ասում են, թե որոշ պարտիզաններ շատ գաղտնի ու վտանգավոր գործողություններ են իրականացրել, որոնք վտանգ են Հայաստանի համար։ Հիմա պարտիզաններով հավաքվել ենք այստեղ, որ հանձնենք մեր զենքերը»,- այսօր՝ ԿԳՄՍ նախարար Արայիկ Հարությունյանի հրաժարականի պահանջով հերթական ակցիայի ընթացքում ասացին ՀՅԴ ՀԵՄ անդամները։
Նրանք Կառավարության շենքի դիմաց խաղալիք զենքեր, ծովահենների գլխարկներ և դիմակներ լցրին։ «Հանձնում ենք այս վտանգավոր զենքերը, որպեսզի մեր որոշ պատգամավորներ և այլ անձինք տեսնեն, հանգիստ քնեն, վախի ու սարսափի միջից դուրս գան»,- ասացին ակցիայի մասնակիցները։ Հիշեցնենք, որ ՀՅԴ ՀԵՄ անդամներն արդեն շուրջ մեկ ամիս է՝ բողոքի ակցիաներ են իրականացնում՝ պահանջելով ԿԳՄՍ նախարարի հրաժարականը: Նրանց վերջին ակցիայի ընթացքում շուրջ 24 անձ բերման էր ենթարկվել Էրեբունու և Կենտրոնի ոստիկանական բաժանմունք։ Մանրամասները՝ տեսանյութում։
Աղբյուրը՝ Factor.am