Հանրապետության հրապարակում ոստիկանները պատրաստակամ են օգնել բոլոր սայլակ օգտագործող մարդկանց. Հակոբ Կարապետյան

Հանրապետության հրապարակում ոստիկանները պատրաստակամ են օգնել բոլոր սայլակ օգտագործող մարդկանց. Հակոբ Կարապետյան
Հանրապետության հրապարակում ոստիկանները պատրաստակամ են օգնել բոլոր սայլակ օգտագործող մարդկանց. Հակոբ Կարապետյան

Երևանի քաղաքապետի մամուլի քարտուղար Հակոբ Կարապետյանը Ֆեյսբուքի իր էջում գրել է.

«Միանգամայն ճիշտ են Հրապարակի վերգետնա անցման մատչելիության խնդրից դժգոհողները: Ցավոք, հնարավոր չի եղել կամրջի ներառականության հարցը պատշաճ ձեւով լուծելը. մետաղական ժամանակավոր կոնստրուկցիայի առանձնահատկությունը, ինչպես նաեւ ժամանակի սղությունը, բարդացրել են սայլակով տեղաշարժվող անձանց համար վերելակի տեղադրման հարցը, իսկ բարձրության անկյան մեծությունը անհնար է դարձնում թեքահարթակների գոյությունը:

Այս պահի դրությամբ խնդրի վերաբերյալ կարող եմ հայտնել, որ տեղում հերթապահություն անող ՃՈ կարգախմբերը եւ պարեկային ծառայություն անցկացնող ոստիկանները պատրաստակամ են՝ բոլոր սայլակ օգտագործող մարդկանց, այդ թվում՝ մանկասայլաով ծնողներին օգնել ճանապարհն անցնելու հարցում:

Խնդրում ենք ներողամիտ լինել անհարմարության համար»: