Իրանում մարտի 2-ին մահացել Է Նպատակահարմարության խորհրդի (Իրանի բարձրագույն ղեկավարությանն առընթեր խորհրդակցական մարմին) անդամ Մոհամադ Միրմոհամադին: Այդ մասին հայտնել Է Fars գործակալությունը, տեղեկացնում Է «Արմենպրես»-ը:
Մահվան ստույգ պատճառը չի նշվում: Սակայն գործակալությունը հայտնում Է, որ ավելի վաղ պաշտոնյայի մոտ կորոնավիրուս Էր հայտնաբերվել: Մարտի 1-ի երեկոյան նա հոսպիտալացվել Էր Թեհրանում: Միրմոհամադին 72 տարեկան Էր: Իր կյանքի ընթացքում նա երկու անգամ Ղոմի նահանգից ընտրվել Է Իրանի Մեջլիսի (խորհրդարանի) պատգամավոր: Իրանի առողջապահության նախարարությունը փետրվարի 19-ին հայտնել Էր երկրում նոր կորոնավիրուսով վարակման առաջին դեպքերի մասին: Վարակվածները հայտնաբերվել են Ղոմ քաղաքում: Պաշտոնական տեղեկատվության համաձայն, Իրանում վարակվածների թիվը կազմում Է 978, գրանցվել Է մահվան առնվազն 54 դեպք, հաղորդել Է ՏԱՍՍ-ը:
