Դասերը մինչև մարտի 23-ը դադարեցնելու և հետագա անելիքների մասին. ուղիղ

Հեղինակ MediaLab

🔴 Դասերը մինչև մարտի 23-ը դադարեցնելու և հետագա անելիքների մասին‼Հաշվի առնելով կորոնավիրուսի տարածման կանխարգելման միջոցառումների անհրաժեշտությունը և ՀՀ առողջապահության նախարարությունից ստացված ցուցումները` ՀՀ կրթության, գիտության, մշակույթի և սպորտի նախարարությունը տեղեկացնում է.✅Մինչև մարտի 23-ը Հայաստանի Հանրապետության պետական ուսումնական հաստատություններում` մանկապարտեզներում, նախակրթարաններում, դպրոցներում, մարզադպրոցներում, արվեստի դպրոցներում, արտաուսումնական հաստատություններում, քոլեջներում, ուսումնարաններում և բուհերում դասերը դադարեցվում են:📍Այս ընթացքում նշված հաստատությունների աշխատակիցների վարձատրությունը կպահպանվի։📍Ուսումնական ծրագրի բաց թողնված հատվածը կլրացվի հավելյալ պարապմունքների միջոցով, իսկ այս ընթացքում նախատեսված քննությունները կկազմակերպվեն ավելի ուշ։🖥Նախարարությունը խրախուսում է նշված օրերին ուսումնական գործընթացը հեռավար եղանակով` (օնլայն) կազմակերպելու ջանքերը և առաջիկայում նախատեսում է հանդես գալ նման նախաձեռնությամբ։‼Վերը նշված սահմանափակումը վերաբերում է նաև Հայաստանում գործող միջազգային, ինչպես նաև ոչ պետական ուսումնական հաստատություններին:‼Միաժամանակ, ՀՀ կրթության, գիտության, մշակույթի և սպորտի նախարարությունը գրությամբ դիմել է մարզական ֆեդերացիաներին` մինչև մարտի 23-ը զերծ մնալ Հայաստանի տարածքում մարզական, պատանեկան և երիտասարդական միջոցառումներ (առաջնություններ, միջազգային մրցաշարեր և այլն) անցկացնելուց:📍Այս պահի դրությամբ մշակութային հաստատությունները փակելու որոշում չկա: Նախարարությունը հորդորում է քաղաքացիներին զերծ մնալ մարդաշատ վայրեր ու միջոցառումներ այցելելուց:🔴Նախարարությունը կոչ է անում բոլոր կրթական, մշակութային և մարզական կազմակերպություններին ինքնակազմակերպվել, մշակել գործուն և հնարավորինս արդյունավետ մեխանիզմներ կորոնավիրուսի տարածումը կանխարգելելու համար։📍Վերը նշված ժամկետների հնարավոր փոփոխությունների մասին կտեղեկացվի լրացուցիչ:✅Հորդորում ենք առաջնորդվել բացառապես պաշտոնական տեղեկատվությամբ:

Gepostet von Arayik Harutyunyan am Freitag, 13. März 2020